વડાપ્રધાન આજે કાશ્મીરની મુલાકાતે : 30.000 કરોડના કામોનું આજે લોકાર્પણ-શિલાન્યાસ...
- 20 Feb, 2024
વડાપ્રધાન નરેન્દ્ર મોદી આજે જમ્મૂ કાશ્મીરની મુલાકાતે છે. જમ્મુ -કશ્મીરના પ્રવાસનું ખાસ કારણ ઘાટીનો વિકાસની સાથે ઘાટીના લોકોને મોટી ભેટ આપવાની યોજના છે. ઘાટીમાં 370 કલમ હટાવ્યા બાદ વિકાસની ગતિમાં સતત વૃદ્ધિ જોવા મળી રહી છે. વિકાસ દર વધારવાની મોદી સરકારની મહત્વપૂર્ણ પહેલમાં કેન્દ્ર સરકાર દ્વારા જમ્મૂ કાશ્મીરને વધુ એક મોટી ભેટ આપવા જઈ રહ્યા છે. વડાપ્રધાન મોદી પોતાના પ્રવાસ દરમિયાન બનિહાલથી સંગલદનના 48 કિલોમીટરના રસ્તા પર જમ્મૂ કાશ્મીરની પ્રથમ ઈલેક્ટ્રિક ટ્રેનને લીલીઝંડી બતાવશે.
વડાપ્રધાન બનિહાલ-ખડી-સુંબડ, સંગલદાન સેક્શન 48 કિલોમીટરની વચ્ચે નવી રેલવે લાઈનની આધારશિલા રાખશે, જેમાં 15,683 કરોડ રૂપિયાનો ખર્ચ થશે. તે સિવાય બારામુલા-શ્રીનગર-બનિહાલ-સંગલદાન સેક્શનના વીજળીકરણનું ઉદ્ઘાટન કરશે. તેમાં 470.23 કરોડ રૂપિયાના ખર્ચથી 185.66 કિલોમીટર લાંબી રેલવે લાઈનનું નિર્માણ કરવામાં આવ્યુ છે. તેની સાથે સંગલદાન-બારામૂલાની વચ્ચે ટ્રેન સેવાને શ્રીનગર સ્ટેશનથી લીલીઝંડી બતાવશે.
બનિહાલ-ખડી-સુંબડ-સંગલદાન સેક્શન પર ટ્રેનની સ્પીડ પકડવી ઘણી રીતે મહત્વપૂર્ણ છે. આ રસ્તા પર બેલાસ્ટ લેસ ટ્રેકનો ઉપયોગ કરવામાં આવ્યો છે, જે મુસાફરોને સારી યાત્રાનો અનુભવ આપશે. તે સિવાય ખડી-સુંબડની વચ્ચે ભારતની સૌથી લાંબી પરિવહન સુરંગ ટી-50 (12.77કિ.મી) પણ આ સેક્શનમાં સ્થિત છે. રાષ્ટ્રને સમર્પિત આ રેલવે પરિયોજનાઓ કનેક્ટિવિટીમાં સુધારો કરશે, સાથે જ વિસ્તારના આર્થિક વિકાસમાં પણ વધારો કરશે.
બનિહાલ-સંગલદાનની વચ્ચે 48 કિલોમીટરનો રેલવે માર્ગ આજે સ્પીડ પકડશે. પીર પંજાબમાં યૂએસબીઆરએલ પરિયોજના પડકારજનક વિસ્તારથી થઈને પસાર થાય છે. પરિયોજનાનો ઉદ્દેશ્ય દેશના બાકી ભાગની સાથે હવામાન મુજબ આરામદાયક અને આર્થિક રીતે સારૂ પરિવહન નેટવર્ક ઉપલબ્ધ કરવાનું છે. કુલ 272 કિલોમીટર લાંબા યુએસબીઆરએલ પરિયોજનામાં 41,119 કરોડ રૂપિયાનો ખર્ચ થશે.
અત્યાર સુધી યુએસબીઆરએલ પરિયોજના 161 કિલોમીટર પર રેલ કામગીરી પહેલાથી જ ચાલુ છે. હાલ જમ્મૂ કાશ્મીરના બારામૂલા-બનિહાલ સેક્શન પર ડીઝલથી ચાલતી ટ્રેન ચાલે છે અને નવી લાઈન ચાલુ થવાની સાથે મુસાફર બારામૂલાથી સંગલદાન સુધી ટ્રેનમાં યાત્રા કરી શકશે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ